उदयपुर-उदयपुरको रौतामाई गाउँपालिका वडा-६, चिसापानी, आहालस्थित आजदेखि कृषि उपज बजार सञ्चालनमा ल्याएको छ। वडाले गतवर्षदेखि शुरु गरिएको साप्ताहिक (हटिया) बजारमा उत्पादित कृषि उपजको व्यवस्थित बिक्री-वितरण गर्न कृषि बजार सञ्चालन ल्याएको हो।
वडा-६ चिसापानी, आहालमा हरेक मंगलबार कृषि उपजका थोक तथा खुद्रा बिक्री स्टल राखेर बजार सञ्चालन ल्याएको वडा-६ का वडाध्यक्ष पृथिवी राईले बताउनुभयो। कृषि बजार सञ्चालनमा आएपछि वडाबासी किसानले उत्पादन गरेका हरिया तरकारी, सागसब्जी, टमाटर, खुर्सानी, स्कुस, कागती, फलफूल लगायत कृषि उपज किनबेच गर्न सहज भएको अध्यक्ष राईले बताउनुभयो।
![](https://yobela.com/wp-content/uploads/2024/07/krishi-Market-rautamai-ud-768x432.jpg)
वडाबासी किसानले कृषि व्यवसायबाट उत्पादित उपजलाई व्यवस्थित बिक्री-वितरण गर्न साप्ताहिक बजार लगाउनु परेको अध्यक्ष राईले बताउनु भयो। बजारलाई थप व्यवस्थित गर्न कार्यविधि निर्माण भइरहेको पनि अध्यक्ष राईले बताउनुभयो।
प्रतिक्रिया