काठमाडौं-काठमाडौंको जोरपाटीस्थित एक धागो फ्याक्ट्रीमा आगलागी भएको छ।

शुक्रबार अपराह्न साढे ४ बजे गोकर्णेश्वर नगरपालिका-२ सुन्दरीजल भूमिस्थलीस्थित मनकामना ऊन कारखानामा आगलागी भएको हो।

जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले धागो फ्याक्ट्रीमा आगो लागेको र निभाउने प्रयास भइरहेको बताउनुभयो।

काठमाडौं महानगरपालिकाको तीन वटा दमकल परिचालन गरिएको छ। ललितपुर महानगरपालिकाबाट पनि दमकल गएका छन्।

ओखलढुंगा लिखु गाउँफालिका-४ घर भएका ५९ वर्षीय बुद्धिबहादुर कार्कीले उक्त कारखाना संचालन गर्दै आउनु भएको थियो।

स्थानीय, प्रहरी र अन्य सुरक्षाकर्मीसहितको सहयोगमा आगो नियन्त्रणको प्रयास भइरहेको छ।