काठमाडौं-नवनियुक्त मुख्यसचिव एकनारायण अर्यालले पदबहाली गर्नुभएको छ। आइतबार मध्यान्हमा सिंहदरबार पुगेर पदबहाली गर्नुभएको हो।

शुक्रबार अपरान्ह प्रधानमन्त्री तथा मन्त्रिपरिषद कार्यालय पुगेर अर्यालले नियुक्ति पत्र बुझ्नु भएका नवनियुक्त मुख्यसचिव अर्याललाई कर्मचारीहरुले फूलमालासहित स्वागत गरेका थिए।

यसअघिकी मुख्यसचिव लीलादेवी गड्तौला शुक्रबार नै अवकाश हुनु भएको थियो । बिहीबार बसेको मन्त्रिपरिषद् बैठकले सचिव अर्याललाई मुख्यसचिव बनाउने निर्णय गरेको थियो।

२०४६ सालमा प्रशासन सेवातर्फ नायबसुब्बा पदबाट निजामती सेवामा प्रवेश गरेका अर्याल २०५१ सालमा अधिकृत, २०५८ सालमा उपसचिव, २०६७ सालमा सहसचिव हुँदै २०७६ सालमा सचिव पदमा बढुवा हुनु भएको थियो।