काठमाडौं-आज संविधान दिवस तथा राष्ट्रिय दिवसको स्मरणमा संविधान दिवस विभिन्न कार्यक्रमका गरी देशभर मनाइँदैछ।

विक्रम संवत् २०७२ असोज ३ गते संविधान जारी भएको दिनको स्मरणमा हरेक वर्ष संविधान दिवस मनाइँदै आएको छ। यस क्रममा केन्द्रीय राजधानी काठमाडौँस्थित सैनिक मञ्च टुँडिखेलमा संविधान दिवस मूल समारोह आयोजना गरिएको छ।कार्यक्रममा राष्ट्रपति रामचन्द्र पौडेल, प्रधानमन्त्री केपी शर्मा ओली, सभामुख देवराज घिमिरे, राष्ट्रियसभा अध्यक्ष लगायत विशिष्ट व्यक्तित्वहरूको सहभागिता रहेको छ।

कार्यक्रममा विभिन्न झाँकी प्रदर्शन गरिएका छन्। नेपाली सेनाले हेलिकप्टरबाट पुष्पवृष्टिका साथै विभिन्न सैनिक कौशल प्रदर्शन गरेको छ।