नेपालगन्ज-बाँकेको कोहलपुर नगरपालिका–८ पिपिरीमा टाउको नभएको एक पुरुषको शव भेटिएको छ। 

इलाका प्रहरी कार्यालय कोहलपुरका अनुसार कोहलपुर नगरपालिका–८ पिपिरी चोकदेखि करिब दुई किलोमिटर पूर्व शीतल नगरमा हत्या गरिएको अवस्थामा शनिबार राति सो शव फेला परेको थियो । 

टाउको नभएको अवस्थामा फेला परेको शवको सनाखत स्थानीय ४० वर्षीय चन्द्रबहादुर कामीको रूपमा भएको इलाका प्रहरी कार्यालय कोहलपुरले जनाएको छ। प्रहरीका अनुसार शवको सनाखत चन्द्रबहादुरका पिताले गर्नुभएको थियो । सो शव घरदेखि करिब ५०० मिटर टाढा फेला परेको थियो ।