काठमाडौं -प्रधानमन्त्री केपी शर्मा ओली आज धरान स्थिती विपी कोइराला स्वास्थ्य विज्ञान प्रतिष्ठानको १३ औं दिक्षान्त समारोहको उद्ध्घाटन गर्न जाँदैहुनुहुन्छ ।
प्रधानमन्त्रीको सचिवालयका अनुसार आज विहान १० विराटनगर हुँदै धरान जाने कार्यक्रम रहेको छ । प्रतिष्ठानको कुलपतिको हैसियतमा सहभागी भएर प्रधानमन्त्री ओली चार बजे विराटनगर आउने कार्यक्रम छ । विराटनगरमा नेकपा एमालेका कोशी प्रदेशका पदाधिकारीसँग पार्टी र सरकारका विषयमा केहीबेर छलफल गर्ने कार्यक्रम समेत रहेको सचिवालयले जनाएको छ । प्रधानमन्त्री भएको पाँचौं महिनामा प्रधानमन्त्री ओली यस अघि काठमाडौं विश्वविद्यालयको कार्यक्रममा सहभागी हुन धुलिखेल जानु भएको थियो । त्यसपछिको काठमाडौं बाहिरको पहिलो भ्रमण हो । प्रधानमन्त्री ओली आज साँझ पाँच बजे काठमाौं फर्कने कार्यक्रम रहेको छ ।