जाजरकोट-जाजरकोटको नलगाढ-१ चिउरीमा घरदैलो कार्यक्रमको सिलसिलामा एमाले उम्मेदवार सुनिता बोहोरा सवार गाडी तोडफोड भएको छ। आज साँझ  बोहोरा सवार गाडीमाथि ढुंगा प्रहार गरी तोडफोड गरेको थियो।

एमाले केन्द्रिय सदस्य तथा भेरी नगरपालिकामा मेयर सीपी घर्तीले  बोहोरा सवार गाडी तोडफोड भएको जानकारी दिनुभयो।

गाडीमा एमालेको तर्फबाट नलगाड नगरपालिका उपमेयरकी उम्मेदवार बोहरा र घर्ती लगायत एमाले नेताहरु गाडीमा सवार थिए। नलगाड नगरपालिका दल्लीबाट नलगाड-१, चिउरीतर्फ जाँदै गरेको लु२च ६२२४ नम्बरको गाडीमा कुनै एक समहुले ढुंगा प्रहार गरेको र जीपमा सामान्य क्षति पुगेको घर्तीले बताउनु भयो। आक्रमणकारी समूह भने भागेको उहाँले बताउनु भयाे।