मोरङ-मोरङको ग्रामथानमा ७१.३३ प्रतिशत मत खसेको छ। ग्रामथान गाउँपालिका अध्यषका लागि भएको मतदानमा १८ हजार ५७८ जनाले मतदान गरेका हुन्।

ग्रामथानमा जम्मा २६ हजार ४४ मतदाता रहेका छन्। गाउँपालिकाका १२ मतदान स्थलमा २९ वटा मतदान केन्द्रमा मतदानको व्यवस्था गरिएको हो।

ग्रामथानको गाउँपालिका अध्यक्षमा नेपाली कांग्रेसका बलराम थारु, एमालेका तुलसीराम विश्वास र माओवादीका नमो नारायण माझी उमेदवार छन् ।

त्यसैगरी राष्ट्रिय स्वतन्त्र पार्टीका नवीनकुमार विश्वास खवास, राष्ट्रिय प्रजातन्त्र पार्टीका दिनेशकुमार थन्दार, जनता समाजवादी पार्टीका सुरेशकुमार राजवंशी, जनमत पार्टीका विनोदकुमार माझी, नेकपा एकीकृत समाजवादीका दिलबहादुर विश्वकर्मा, नागरिक उन्मुक्तिका बुद्धिचन विश्वास थारु, नेपाल मजदुर किसान पार्टीका पर्शुराम विश्वास थारु र मंगोल नेसनल अर्गनाइजेसनका भरत राई उम्मेदवार छन्।