सुर्खेत – कर्णाली प्रदेशका मुख्यमन्त्री यामलाल कडेलले प्रदेश संरचनालाई बलियो बनाउने गरि सहयोगका कार्यक्रमहरु संचालन गर्न दातृसंस्थाहरुलाई आग्रह गर्नुभएको छ । कर्णाली प्रदेशको भ्रमणमा रहेकी यूरोपेली यूनियनको नेपालस्थित राजदुत भेरोनिक लोरेन्जासँग आज आफनै कार्यकक्षमा भेटदै मुख्यमन्त्री कडेलले संघीयताको प्रमुख आधार भनेको प्रदेश संरचना भएकोले प्रदेश संरचनालाई बलियो र गतिशिल बनाउने गरि आफना कार्यक्रमहरु संचालन गर्न राजदुत लोरेन्जालाई आग्रह गर्नुभएको हो ।

तीन तहको सरकारको संरचना भएपनि दातृ संस्थाहरुले प्रदेश सरकारसँगको समन्वयमा ध्यान नदिएको आफूले पाएको बताउँदै मुख्यमन्त्री कडेलले राजदुत लोरेन्जासँग भन्नुभयो, ‘तपाईहरु जस्तो संघीयताको पैरबी गर्ने अन्र्तराष्टिय संस्थाले प्रदेश संरचनालाई बलियो बनाउने गरि सहकार्य बढाउने नीति बनाउनुहोस, हाम्रो पूर्ण सहयोग रहन्छ ।

यूरोपियन यूनियनको कर्णालीका विभिन्न क्षेत्रहरुमा सहयोग गरिरहेकोमा प्रदेश सरकारको तर्फवाट धन्यवाद दिदै मुख्यमन्त्री कडेलले सहयोगलाई नागरिकले बढी भन्दा बढी लाभ लिन सक्ने गरि परिणाममुखी बनाउन जनप्रतिनिधिमूलक संस्थासँग समन्वय गर्न आग्रह गर्नुभयो । कर्णालीमा तपाईहरुले ठूलो मात्रामा सहयोग गर्नुभएको छ, हामीलाई त्यस्तो सहयोगको निरन्तर आवश्यकता पनि पर्दछ, मुख्यमन्त्री कडेलले भन्नुभयो ‘हाम्रो चासो तपाईहरुले गरेको सहयोगलाई नागरिकले बढी भन्दा बढी लाभ लिन सक्ने होस हो।’

यूरोपियन यूनियन अन्र्तगतका कतिपय विकास साझेदार संस्थाले परामर्शबिना नै केन्द्रमा बसेर कार्यक्रमहरुको बनाउने गरेको तर्फ ध्यानाकर्षण गराउदै मुख्यमन्त्री कडेलले नागरिकका आवश्यकतालाई ध्यानमा दिएर कार्यक्रमका प्राथमिकता तोक्न सुझावसमेत दिनुभयो । मुख्यमन्त्री कडेलले विगतमा अधिकारमुखी कार्यक्रमहरुमा विकास साझेदार संस्थाहरुको जोड प्राथमिकता भएपनि अव पूर्वाधार विकासमा लगानी बढाउन राजदुत लोरेन्जालाई सुझाव दिनुभयो । भेटघाट कार्यक्रममा राजदुत लोरेन्जाले यूरोपेली यूनियनले मुख्यमन्त्री कडेलले राख्नुभएका सुझावलाई यूरोपेली यूनियनले सकारात्मक लिदै आफना कार्यक्रमहरुलाई प्रदेश सरकारमार्फत अघि बढाउन जानकारी दिनुभयो ।