काठमाडौं- प्रतिनिधीसभाको सचिवका हर्कराज राईलाई सिफारिस गरिएको छ ।
सभामुख देवराज घिमिरेले आज राईलाई नियुक्तीका लागि राष्ट्रपति रामचन्द्र पौडेल समक्ष सिफारिस गर्नुभएको हो । सभामुखको सचिवालयका अनुसार सुरेश अधिकारीले दुई महिना अघि राजिनामा दिएपछि रिक्त रहेको उक्त पदमा झापाको झापाको शिवसत्ताक्षी नगरपालिका २ निवासी राईलाई सिफारिस गरिएको हो । राई यस अघि भौतिक पूर्वाधार तथा यातायात मन्त्री देवेन्द्र दाहालको सल्लाहकार हुनुहुन्थ्यो ।
त्रिभूवन विश्वविद्यालयबाट नेपालको विकास नीति तथा योजनावद्ध विकास विषयमा दर्शनार्चाय (एमफिल), राजनीति शास्त्र र ग्रामिण विकास विषयमा स्नाकोत्तर राई नेकपा एमाले स्थानीय तह विभागको सचिव हुनुहुन्थ्यो । । राई सुखानी सहित स्मृति प्रतिष्ठानका महासचिव पनि हुनुहुन्थ्यो ।
सभामुख घिमिरेले राईलाई पाँच वर्षका लागि सचिव पदमा सिफारिस गर्नुभएको हो ।