उदयपुर-उदयपुर जिल्लाको सदरमुकाम गाइघाटमा ट्याक्टरले ठक्कर दिँदा एक युवककाे मृत्यु भएको छ।

सोमबार गाइघाट बजारको मेनचोक नजिक स १ त ७८ २१ नम्वरको ट्याक्टरले प्रदेश १–०५–००१ प ७६८४ नम्वरको स्कुटरलाई पछाडीबाट ठक्कर दिँदा स्कुटर चालक रौतामाई गाउँपालिका वडा नं ७ मुर्कृचीका ४० बर्षिय बासु खड्काको मृत्यु भएको हो।

घाइते खड्कालाई उपचारका लागि जिल्ला अस्पताल उदयपुरमा लगिएकोमा अस्तालले मृत घोषणा गरेको थियो । ठक्कर दिने ट्याक्टर र चालक त्रियुगा नगरपालिका ४ निवासी क्रान्ती चौधरीलाई जिल्ला प्रहरी कार्यालय उदयपुरले नियन्त्रणमा लिएर थप अनुसन्धान गरिरहेको छ।