हेटौंडा-मकवानपुर उद्योग वाणिज्य संघको अध्यक्षमा प्रमोद सिंह रानाभाट विजयी हुनुभएको छ। पुस २७ गते शनिबार नयाँ नेतृत्व चयनका लागि भएको भएको निर्वाचनमा रानाभाट १ हजार १४ मतसहित अध्यक्ष पदमा निर्वाचित हुनुभएको हो । उहाँका प्रतिस्पर्धी अनिल अग्रवालले ७६५ मत पाउनुभयो।

यसैगरी, महासचिवमा प्रतिमा श्रेष्ठ १ हजार १२ मतसहित विजयी हुनुभएको छ। उहाँका प्रतिस्पर्धी विकेशलाल श्रेष्ठले ७१३ मत प्राप्त गरे।

यसैगरी, वाणिज्यतर्फ उपाध्यक्षमा राजु अधिकारी विजयी हुनुभएको छ। अधिकारी ५९९ मतसहित विजयी हुँदा उहाँका प्रतिस्पर्धी रामप्रसाद न्यौपानेले ४८४ मत पाए । उद्योगतर्फको उपाध्यक्षमा दीपक उप्रेती विजयी हुनुभएको छ । उहाँ २७२ मतसहित विजयी हुँदा उहाँका प्रतिस्पर्धी रवीन्द्रप्रसाद घिमिरेले २४० मत प्राप्त गरे ।

यस्तै, एसोसिएटतर्फको उपाध्यक्षमा उज्ज्वल चौलागाईं ४८ मतसहित विजयी हुँदा उहाँका प्रतिस्पर्धी विष्णु खनालले ३३ मत पाए।

संघको कोषाध्यक्षमा तेजराज अधिकारी ९१७ मतसहित विजयी हुँदा उहाँका प्रतिस्पर्धी कृष्ण कर्माचार्यले ८ सय १ मत पाए । सहकोषाध्यक्षमा निलम वैद्य विजयी हुनुभएकोछ । उहाँ ९०१ मतसहित निर्वाचित हुँदा उहाँका प्रतिस्पर्धी राधिका सामरी पाण्डेले ७८१ मत पाउनु भयो।