झापा-प्रेस चौतारी झापाको अध्यक्षमा युवा पत्रकार प्रदिप परियार चयन हुनुभएको छ।
विर्तामोडबाट प्रकाशन हुने इजलास दैनिक र इजलास डटकमका सम्पादक परियार करिब डेढ दशक देखि विर्तामोडमा बसेर पत्रकारिता गरिरहनुभएको छ।

विर्तामोडमा भएको चौतारीको जिल्ला अधिवेशनले सर्वसम्मत रुपमा अध्यक्ष लगायत पदाधिकारी चयन गरेको हो।

समितीको उपाध्यक्षमा राजु पोखरेल र सुनिरा मैनाली,सचिवमा युवराज आचार्य सहसचिवमा राम निरौला, समावेशी सहसचिवमा तिलक योञ्जन र कोषाध्यक्षमा सरोज भट्टराई निर्विरोध निर्वाचित भएका छन्।

सदस्यहरु भरत प्रसाईं,अस्मिता साँखी,तीर्थ तिम्सिना, कवि गुँरागाई,प्रकाश बाँनिया,रवीकिरण बान्तवा र किशोर उपरकोटी चयन भएका छन्।

चौतारीका अध्यक्ष गणेश बस्नेतले अधिवेशन उद्घाटन गर्नुभएको हो।