काठमाडौँ- नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल प्रचण्डको फोटो जलाउने राप्रपा नेता नीराजन बमलाई प्रहरीले पक्राउ गरेको छ।

प्रहरीले अध्यक्ष प्रचण्डको फोटो जलाउने राप्रपाका नेता बमलाई पक्राउ गरेको हो।

शनिवार मकवानपुरमा आयोजित कार्यक्रममा बोल्ने क्रममा बमले अध्यक्ष प्रचण्डको आलोचना गर्दै फोटो जलाएका थिए ।  राष्ट्रिय प्रजातान्त्रिक युवा संगठनको मकवानपुर जिल्ला अधिवेशनका क्रममा बोल्ने क्रममा बमले प्रचण्डको आलोचना गर्दै उहाँको फोटो जलाएका हुन् । 

बिहीबार सिन्धुपाल्चोकको मेलम्चीमा आयोजित कार्यक्रममा प्रचण्डले पूर्वराजा ज्ञानेन्द्र शाहलाई ‘मूर्ति चोर र भाइमारा’को आरोप लगाउँदै कडा अभिव्यक्ति दिएपछि राजावादी दल राप्रपाले विरोध गर्दै आएको छ।