काठमाडौं-नेकपा माओवादी केन्द्रकी सांसद रेखा शर्माले राजावादीको हिंसात्मक आन्दोलनका योजनाकार पूर्वराजा ज्ञानेन्द्र शाह भएको भन्दै उहाँमाथि कारबाही हुनुपर्ने माग गर्नुभएको छ।

आजको प्रतिनिधि सभा बैठकलाई सम्बोधन गर्दै शर्माले २०८१ चैत १५ गते शुक्रबार राजावादीको आन्दोलनको नाममा भएका हिंसात्मक घटनाका दोषिमाथि सरकारले कारबाही गर्नुपर्ने बताउनु भएको हो।

‘२०८१ चैत १५ गते शुक्रबारका दिन हिंसात्मक आन्दोलनका कथित कमाण्डर दुर्गा प्रसाइँ भए पनि पर्दा पछाडि ज्ञानेन्द्र शाह छन्,’ सांसद शर्माले भन्नुभयो, ‘अपराध गर्नेलाई सरकारले कारबाही गर्नुपर्छ। संविधानमाथि कोही छैन। पूर्वराजा ज्ञानेन्द्र शाह र दुर्गा प्रसाइँलाई सरकारले तुरुन्तै कानुनी कारबाहीको दायरामा ल्याओस्।’

सांसद शर्माले हजारौँको रगतले गणन्त्र स्थापना भएको भन्दै राजतन्त्रको विषयमा वहस गर्ने ठाउँ संसद नभएको बताउनुभयो।