काठमाडौं-प्रधानमन्त्री केपी शर्मा ओलीले २०८१ चैत १५ गते शुक्रवार राजावादीहरूले तोडफोड गरेको नेकपा एकीकृत समाजवादीको केन्द्रीय कार्यालय अवलोकन गर्नुभएको छ।

प्रधानमन्त्री ओली आज आलोकनगर पुगेर एकीकृत समाजवादीको क्षतिग्रस्त कार्यालय अवलोकन गर्नुभएको हो।

कथित राजावादीहरुले नेकपा एसको कार्यालय ढुंगामुडा र आगजनी गरेका थिए। चैत १५ मा राजावादीहरूले तीनकुने क्षेत्रमा विध्वंस मच्चाएका थिए।

प्रधानमन्त्री ओली नेकपा एसको कार्यालय पुग्दा अध्यक्ष माधव कुमार नेपाल, महासचिव घनश्याम भुसाल लगायतका नेताहरू हुनुहुन्थ्यो। प्रधानमन्त्री ओलीले उहाँहरूसँग केही बेर भलाकुसारी गर्नुभयो।

प्रधानमन्त्री ओली कार्यालयभित्र पसेर गत चैत १५ गते भएको आगजनीबाट पुगेको क्षतिको पनि अवलोकन गरेको कार्यालय सचिव रामकुमार भट्टराईले बताउनुभयो।