हेटौँडा- नेकपा एमाले मकवानपुरले हेटौँडामा गणतन्त्रको पक्षमा प्रदर्शन गरेको छ । सोमबार एमाले मकवानपुरले हेटौँडामा र्‍यालीसहित सिमाचोमा जागरण सभा गरेको हो ।

हेटौँडाको चार दिशाबाट र्‍याली निकालेर एमाले सिमाचोकमा नेता तथा कार्यकर्तासहित सभा आयोजना गरेको छ। एमालेले हेटौँडाको पूर्वमा सानो पोखरा, पश्चिममा हेटौँडा हस्पिटल, उत्तरमा चौकीटोल ओरालो र दक्षिणमा फरेष्ट्रि गरी चार स्थानबाट र्‍याली निकालेको थियो।

एमालेले आज देशैभरी जागरणसभा र मोटरसाइकल र्याली आयोजना गरेको छ। लोकतान्त्रिक गणतन्त्रको पक्षमा यस्ता सभा र र्‍याली आयोजना गरिएको महासचिव शंकर पोखरेलले बताउनु भयो। लोकतन्त्रको विकल्प उन्नत लोकतन्त्र भन्ने नारासहित र्याली आयोजना गर्न लागिएको हो।