काठमाडौं-बागमती प्रदेशसभामा प्रतिनिधित्व गर्ने ७ दलको बैठक सुरु भएको छ। प्रदेशसभाका सभामुख भुवन कुमार पाठकले आज बिहान ८ बजेका लागि बोलाएको बैठक निर्धारित समय भन्दा एक घण्टा ढिलो गरी सुरु भएको हो । 

बैठकमा संसदमा प्रतिनिधित्व गर्ने ७ मध्ये ६ दलको उपस्थिति रहेको छ । नेमकिपा सर्वदलीय बैठकमा सहभागी छैन ।

पछिल्लो राजनीतिक घटनाक्रम र प्रदेशसभा सञ्चालनको विषयहरू टुङ्ग्याउन सर्वदलीय बैठक बसेको जनाएको छ।

११० सदस्यीय बागमती प्रदेशसभामा ७ दलको प्रतिनिधित्व रहेको छ । जसमा कांग्रेस ३७, एमाले २७ (उपसभामुख सहित), राप्रपा १३ (सभामुख सहित), एकीकृत समाजवादी ७, नेमकिपा ३ र हाम्रो नेपाली पार्टी २ सांसद सहित प्रतिनिधित्व रहेको छ ।