काठमाडौं-प्रधानमन्त्री केपी शर्मा ओलीले आगामी आर्थिक वर्षको नीति तथा कार्यक्रम राष्ट्रिय सभामा टेबुल गर्नुभएको छ।

प्रधानमन्त्री ओलीले शुक्रबार राष्ट्रिय सभामा आगामी आर्थिक वर्ष २०८२/०८३ को वार्षिक नीति तथा कार्यक्रम टेबुल गर्नुभएको हो।

राष्ट्रिय सभाको आजको दोस्रो बैठकमा प्रधानमन्त्री ओलीले संघीय संसद्को दुवै सदनको संयुक्त बैठकलाई राष्ट्रपतिले गरेको सम्बोधनको प्रति टेबुल गर्नुभयो।

बैठकले राष्ट्रपतिबाट संघीय संसद्को दुवै सदनको संयुक्त बैठकलाई गरेको सम्बोधनका लागि धन्यवाद ज्ञापन गरेको छ। राष्ट्रिय सभाअध्यक्ष नारायणप्रसाद दाहालले राखेको धन्यवादको प्रस्तावलाई सभाले सहमति जनाएको थियो।