काठमाडौँ-प्रधानमन्त्री केपी शर्मा ओलीले सुशासन, पारदर्शिता र उत्तरदायित्व गणतान्त्रिक व्यवस्थाको मेरुदण्ड भएको बताउनुभएको छ । 

गणतन्त्र दिवसको अवसरमा टुँडिखेलमा आयोजित कार्यक्रमलाई सम्बोधन गर्दै प्रधानमन्त्री ओलीले यस्तो बताउनुभएको हो। उहाँले गणतन्त्रमा हरेक नागरिकको आत्मसम्मान सुरक्षित हुने र भइरहेको दाबी गर्नुभयो। उहाँले शिक्षा, स्वास्थ्य, उद्यम र रोजगारीका क्षेत्रमा धेरै प्रगति भएको दाबी गर्नुभयो। यसमा अझै सुधार ल्याउन आवश्यक रहेको र सरकार सक्रिय रहेको बताउनु भयो । समृद्ध नेपाल, सुखी नेपालीको राष्ट्रिय आकाङ्क्षा पूरा गर्न आफूहरू लागिपरेको बताउनु भयो। गणतन्त्र कुनै दलको स्वामित्व नभई यसको मालिक जनता भएको बताउनु भयो।