काठमाडौं-प्रतिनिधि सभाका सभामुख देवराज घिमिरेले प्रमुख सचेतकहरूलाई छलफलमा बोलाउनु भएको छ।

शुक्रबार बिहान ११ बजे बस्ने गरी  दलका मुख्य सचेतक र प्रमुख सचेतकलाई छलफलमा बोलाएको सभामुख घिमिरेको सचिवालयले जानकारी दिएको छ।

सदनको अवरूद्ध हटाउने, बजेटमाथिको छलफलको समय निर्धारण र आगामी क्यालेन्डरबारे छलफल हुने एजेन्डा भएको जनाएको छ।

भिजिट भिसा प्रकरणमा प्रतिपक्षी दलहरूले गृहमन्त्री रमेश लेखकको राजीनामा माग गर्दै सदन अवरूद्ध गर्दै आएका छन्।

सभामुख घिमिरेले आजै मध्याह्न १२ बजे कार्यव्यवस्था परामर्श समितिको बैठक पनि बोलाउनु भएको छ।