काठमाडौं – प्रधानमन्त्री सुशीला कार्कीको अध्यक्षतामा केन्द्रीय सुरक्षा समितिको बैठक बसेको छ। कार्कीलाई गृह मन्त्रालयलाई समेतको जिम्मेवारी छ ।

बैठक प्रधानमन्त्री तथा मन्त्रिपरिषद्को कार्यालयमा केहीबेरअघि सकिएको छ।

प्रधानमन्त्री कार्की नियुक्त भएपछि पहिलोपल्ट यस समितिको बैठक बसेको हो।

बैठकमा गृह सचिव, रक्षा सचिव, नेपाल प्रहरी, सशस्त्र प्रहरी र राष्ट्रिय अनुसन्धान विभागका प्रमुखका साथै नेपाली सेनाका उच्च अधिकारीहरूको पनि उपस्थिति थियो।

बैठकमा प्रधानमन्त्री कार्कीले सुरक्षाको पछिल्लो अवस्थाबारे जानकारी लिँदै प्रभावकारी सुरक्षा व्यवस्थाका लागि केही महत्त्वपूर्ण निर्देशन पनि दिएको बैठकमा सहभागी एक सहभागीले जानकारी दिनुभयो ।

कार्की जेनजी आन्दोलनको बलमा शुक्रबार प्रधानमन्त्री नियुक्त हुनु भएको हो। उनले आज मात्र सिंहदरबार गएर पदभार ग्रहण गरेकी हुन्।

केन्द्रीय सुरक्षा समितिको अध्यक्षता गृहमन्त्रीले गर्छन्। मन्त्रिपरिषद्ले पूर्णता नपाइसकेका कारण प्रधानमन्त्रीले नै गृहमन्त्रीको हैसियतमा बैठकको अध्यक्षता गरेकी हुन्।