काठमाडौं-जनमत पार्टीका वरिष्ठ उपाध्यक्षसहित ६ जना नेताहरूले सामूहिक राजीनामा दिनुभएकाे छ। जनमत पार्टीका वरिष्ठ उपाध्यक्ष अब्दुल खान, केन्द्रीय प्रवक्ता डा. शरत सिंह यादव, जनमत युवा सङ्घका केन्द्रीय संयोजक सञ्जय कुमार यादव, जनमत स्वास्थ्यकर्मी सङ्घका केन्द्रीय संयोजक सी.के. सिंह, सुदूरपश्चिम प्रदेशका वरिष्ठ प्रदेश इन्चार्ज राजाराम चौधरी र राष्ट्रिय परिषद् सदस्यसहित केन्द्रीय सदस्य विक्रम बहादुर बमले सामूहिक राजीनामा दिनुभएकाे हाे।

उनीहरूले पार्टी नेतृत्वप्रति असन्तुष्टि जनाउँदै सामूहिक राजीनामा दिएका हुन्। यसअघि हिजो उनीहरूले अध्यक्षबाट राजीनामा अध्यक्ष सीके राउतलाई २४ घण्टे अल्टिमेटम दिएका थिए।

नेपालको विषम परिस्थिति र जनमानसको अपेक्षाअनुरूप पार्टी नेतृत्वले आत्मालोचना गर्न नसकेको र नेतृत्व परिवर्तनको मागलाई अस्वीकार गर्दै अपमान गरेको उनीहरूले आरोप लगाएका छन्।