काठमाडौं-काठमाडौंबाट ग्यास गन सहित एक जना पक्राउ परेका छन्। काठमाडौं उपत्यका अपराध अनुसन्धान कार्यालयको टोलीले कैलाली घर भई काठमाडौंको सहयोगी नगर बस्ने २१ वर्षीय मनोज ढुंगानालाई पक्राउ गरेको एसपी काजीकुमार आचार्यले जानकारी दिनुभयाे।

ढुंगानालाई प्रहरीले एउटा ग्यास गन, एउटा मोबाइल र प्रहरीको भीड नियन्त्रणका लागि प्रयोग हुने लेगगार्ड पनि बरामद भएको छ। भीड नियन्त्रण गर्न प्रहरीले ग्यास गन प्रयोग गर्छ। यसबाट अश्रुग्यास प्रहार हुन्छ।

प्रहरीले पाएको विशेष सूचनाको आधारमा कार्यालयको टोली खटिएको थियो। उक्त टोलीले पक्राउ गरी थप अनुसन्धानका लागि जिल्ला प्रहरी परिसर काठमाडौंमा पठाइएको छ। 

भदौ २४ गते काठमाडौं उपत्यकासहित देशभरिबट १२ सय भन्दा बढी हातहतियार लुटिएका थिए।