काठमाडौँ-नेपाली कांग्रेस केन्द्रीय कार्यसम्पादन समितिको बैठक फेरि आज (सोमबार) का लागि तय गरिएको छ।

आइतबार सभापति शेरबहादुर देउवाको भाडाको निवास (महाराजगन्ज) मा बसेको पदाधिकारी र केही नेतासहितको छलफलमा पार्टीको १५औँ महाधिवेशन आगामी पुस २६ देखि २९ गतेसम्म गर्ने सहमति भएपछि कांग्रेस केन्द्रीय समितिको बैठक आज बस्ने भएको हो। 

आज दिउँसो २ बजे बस्ने बैठकमा कार्यवाहक सभापति पूर्णबहादुर खड्काले महाधिवेशन कार्यतालिका पेस गर्ने तयारी छ।

एक महिनाअघि नै सुरु कांग्रेस केन्द्रीय समिति बैठक महाधिवेशन विवादकै कारण अवरुद्ध छ।