काठमाडौँ-नेकपा (एमाले) नेता विष्णुप्रसाद पौडेलले पार्टीलाई निर्णायक राष्ट्रिय शक्ति बनाउन नेतृत्वले सन्तुलित भूमिका निर्वाह गर्नुपर्ने बताउनुभएको छ। यति बेला एमालेको ११औँ राष्ट्रिय महाधिवेशनको नेतृत्व छनौटको महत्त्वपूर्ण क्षणमा आइपुगेको उहाँले बताउनुभयाे ।

महाधिवेशन प्रतिनिधिहरूलाई सम्बोधन गर्दै उहाँले पार्टी निर्णायक राष्ट्रिय शक्ति बन्ने चरणमा पुगेको उल्लेख गर्नुभएको छ। त्यसका लागि नीति र कार्यक्रमलाई बलियो, सशक्त, अनुशासित र गतिशील संगठनमार्फत जनतासँग जोड्नुपर्ने आवश्यकता पौडेलले औँल्याउनु भएको छ। यस कार्यका लागि नेतृत्वले प्रभावकारी र सन्तुलित भूमिका निर्वाह गर्नुपर्ने उहाँको धारणा छ।

उहाँले आफूले उपाध्यक्ष पदमा उम्मेदवारी मनोनयन गरेको जानकारी दिँदै प्रतिनिधिहरूबाट अमूल्य मतको अपेक्षा गर्नुभएको छ।

‘हामी यती बेला हाम्रो पार्टी नेकपा (एमाले) को ११औँ राष्ट्रिय महाधिवेशनको नेतृत्व छनौटको महत्त्वपूर्ण क्षणमा आइपुगेका छौँ,’ उन सामाजिक सञ्जालमा लेखेका छन्, ‘पार्टीलाई निर्णायक राष्ट्रिय शक्ति बनाउन हाम्रा नीति र कार्यक्रमहरू लाई बलियो, सशक्त, अनुशासित र गतिशील संगठन मार्फत जनतासँग जोडिन नेतृत्वले प्रभावकारी र सन्तुलित भूमिका निर्वाह गर्नु पर्दछ।’

नेकपा (एमाले) को ११औँ राष्ट्रिय महाधिवेशनअन्तर्गत आज नयाँ नेतृत्व चयनका लागि मतदान हुँदै छ। सहमतिबाट नेतृत्व चयन गर्ने प्रयास सफल नभएपछि निर्वाचन प्रक्रियाबाट नेतृत्व चयन गर्न लागिएको हो। महाधिवेशनमा अध्यक्षसहित सम्पूर्ण पदाधिकारी र विभिन्न पदमा प्रतिस्पर्धा भइरहेको छ ।

यस्ताे छ पौडेलकाे अपिल :

प्रिय प्रतिनिधि कमरेडहरू,

हार्दिक अभिवादन !

हामी यती बेला हाम्रो पार्टी नेकपा (एमाले) को ११ औँ राष्ट्रिय महाधिवेशनको नेतृत्व छनौटको महत्त्वपूर्ण क्षणमा आइपुगेका छौँ। पार्टीलाई निर्णायक राष्ट्रिय शक्ति बनाउन हाम्रा नीति र कार्यक्रमहरू लाई बलियो, सशक्त, अनुशासित र गतिशील संगठन मार्फत जनता सँग जोडिन नेतृत्वले प्रभावकारी र सन्तुलित भूमिका निर्वाह गर्नु पर्दछ ।

मैले उपाध्यक्ष पदमा उम्मेदवारी मनोनयन गरेको यहाँहरूलाई अवगत नै छ । प्रिय प्रतिनिधि कमरेडहरूबाट अमूल्य मतको अपेक्षा गर्दछु ।

विष्णुप्रसाद पौडेल

उपाध्यक्ष पदको उम्मेदवार