काठमाडौँ-नेपाली बजारमा आज पनि सुनचाँदीकाे मूल्य वृद्धि भएको छ। सुनको मूल्य एकैदिन ५५०० रुपैयाँ बढेको छ। नेपाल सुनचाँदी व्यवसायी महासंघका अनुसार अघिल्लो दिन तोलामा २ लाख ६१ हजार ७०० रुपैयाँ रहेको छापावाल सुनको मूल्य मंगलबार बढेर तोलामा २ लाख ६७ हजार २०० रुपैयाँ पुगेको हो। सुनको यो मूल्य हालसम्मकै महँगो भएको महासंघले जनाएको छ। 

यस्तै चाँदीको मूल्य पनि बढेको छ। सोमबार तोलामा ४ हजार २३५ रुपैयाँ कायम रहेको चाँदीको मूल्य मंगलबार बढेर तोलामा ४ हजार २५५ रुपैयाँ कायम भएको महासंघले जनाएको छ।