दमक – आगामी फागुन २१ गतेकँे प्रतिनिधि सभा निर्वाचनमा यतिबेला झापा क्षेत्र नम्बर ५ निकै चर्चामा रहेको छ । देशभर १६५ निर्वाचन क्षेत्र रहेपनि हरेक दिन झापा(५ को चर्चा हुने गरेको छ । चर्चाको कारण हो नेकपा एमालेका अध्यक्ष तथा पूर्वप्रधानमन्त्री केपी शर्मा ओली र रास्वपाका बरिष्ठ नेता बालेन्द्र साहको उम्मेद्वारी ।
झापा–५ एमाले अध्यक्ष ओलीको आधार इलाका हो । यस क्षेत्रबाट २०६४ सालको संबिधानसभाको पहिलो निर्वाचनबाहेक ओली कहिल्यै पराजीत हुनुभएको छैन ।
एमालेले अध्यक्ष ओलीलाई नै भावी प्रधानमन्त्रीको उम्मेदवार घोषणा गरेर चुनावी मैदानमा होमिएको छ भने रास्वपाले पनि सभापति रबि लामिछानेको साटो बालेनलाई भावी प्रधानमन्त्रीको उम्मेद्वार बनाएको छ । एकै निर्वाचन क्षेत्रमा ठीक बिपरित एजेण्डा बोलेका भावी प्रधानमन्त्रीका दुई उम्मेदवार बनेसँगै झापा(५ चर्चामा आएको छ । केपी ओलीको कारण सदाबहार चर्चामा रहने झापा ५ मा बालेनसमेत उम्मेदवार बनेर आएपछि थप चुलिएको छ ।

काठमाडौं महानगरपालिकाको मेयर पद बिचैमा छाडेर झापा ५ नै रोज्नुको कारण बालेन स्वयंले केही बताउनु भएको छैन । यद्यपी बालेनको रोजाईलाई देश जलाउने आरोपको प्रतिवादका रुपमा अथ्र्याउन थालिएको छ ।

भावी प्रधानमन्त्रीका दुई उम्मेद्वार ओली र साह भिडेपछि झापा ५ यतिबेला राष्ट्रिय मात्र नभएर अन्तर्राष्ट्रिय स्तरमै चर्चाको केन्द्र बनेको छ । झापा ५ मा दुई ‘भावी प्रधानमन्त्री’ एउटै निर्वाचन क्षेत्रमा प्रतिस्पर्धी बन्दा सर्वत्र चासो बढेको पनि देखिएको हो । राजनीतिक दलमा मात्रै होइन मतदातासमेत दुई जनाको नाम लिएर बहशमा उत्रिएकाले चुनावी सरगर्मी ह्वात्ते बढेको देखिएको छ ।

यस क्षेत्रमा नेपाली कांग्रेसबाट मन्दरा चिमरिया उम्मेदवार हुनुहुन्छ भने नेपाली कम्युनिष्ट पार्टीले अखिल क्रान्तिकारीका पूर्वअध्यक्ष रहेका युवा नेता रञ्जीत तामाङलाई उम्मेद्वार बनाएको छ । यस क्षेत्रमा कुल २४ जना उम्मेदवार रहेका छन जसमध्ये कांग्रेसका चिमरिया, स्वतन्त्र दुई जना रञ्जना गौतम र शोभा भण्डारी गरी तीन जना मात्रै महिला उम्मेदवार रहेका छन ।

झापाका पाँचवटा निर्वाचन क्षेत्रमध्ये सबैभन्दा बढी मतदाता क्षेत्र नम्बर ५ मा रहेको छ । जिल्ला निर्वाचन कार्यालयले जनाएअनुसार सात लाख १३ हजार ५३७ मतदाता रहेका छन् । जसमध्ये क्षेत्र नम्बर ५ मा मात्रै ८१ हजार ८१ पुरुष, ८२ हजार २९६ र अन्य दुई जना गरी एक लाख ६३ हजार ३७९ मतदाता रहेका छन ।

यस क्षेत्रमा ६१ वटा मतदानस्थल र १८५ वटा मतदान केन्द्र रहेका छन् । झापा क्षेत्र नम्बर ५ मा दमक नगरपालिकाको १० वटै वडा, गौरादह नगरपालिकाको ८ वटा वडा, गौरीगञ्ज गाउँपालिकाको चार वटा वडा र कमल गाउँपालिकाको ७ वटा वडा पर्दछन् ।

कुन वडामा कति मतदाता ?

दमक नगरपालिका
वडा नम्बर १ – ६,७९४
वडा नम्बर २ – ६,७७६
वडा नम्बर ३ – ८,०२२
वडा नम्बर ४ – ७,०५८
वडा नम्बर ५ – ७,९८४
वडा नम्बर ६ – ४,४६०
वडा नम्बर ७ – ५,५२३
वडा नम्बर ८ – ६,६७१
वडा नम्बर ९ – ७,९४५
वडा नम्बर १० – ४,७६४
गौरादह नगरपालिका
वडा नम्बर १ – ६,९०४
वडा नम्बर २ – ३,५२०
वडा नम्बर ३ – ३,७९०
वडा नम्बर ४ – ६,२३५
वडा नम्बर ५ – ६,२८७
वडा नम्बर ६ – ५,०५७
वडा नम्बर ७ – ५,७०१
वडा नम्बर ८ – ३,९८१
कमल गाउँपालिका
वडा नम्बर १ – ५,२१२
वडा नम्बर २ – ५,२३९
वडा नम्बर ३ – ५,१०३
वडा नम्बर ४ – ६,०३२
वडा नम्बर ५ – ७,२३७
वडा नम्बर ६ – ५,८८५
वडा नम्बर ७ – ६,०७८
गौरीगञ्ज गाउँपालिका
वडा नम्बर ३ – ५,३३३
वडा नम्बर ४ – २,८६७
वडा नम्बर ५ – २,७५८
वडा नम्बर ६ – ४,१६३