काठमाडौं-नेकपा एमालेले युवा र उद्यमीलाई १० हजार बराबरको डलर कार्ड उपलब्ध गराउने चुनावी घोषणापत्रमा उल्लेख गरेको छ। फागुन ७ गते बिहीबार ‘समृद्ध नेपाल, सुखी नेपाली- राष्ट्रिय आकांक्षा हाम्रो गन्तव्य’ को मूल नारा र देश एमालेले बनाउँछ भन्ने अठोटसहित अध्यक्ष केपी शर्मा ओलीले एक समारोहबीच युवा र उद्यमीलाई १० हजार बराबरको डलर कार्ड उपलब्ध गराउने घोषणापत्र सार्वजनिक गर्नुभएकाे हाे।

एमालेको घोषणापत्रमा भनिएको छ, ‘सूचना प्रविधि क्षेत्रमा आईटीरटेक उत्पादनहरूको अनुसन्धान, उत्पादन, विकास तथा निर्यात प्रवद्र्धन गर्न र स्टार्टअप व्यवसायमार्फत अनलाइन अन्तर्राष्ट्रिय कारोबारलाई सहज बनाउन युवाहरूलाई प्रतिव्यक्ति १० हजार अमेरिकी डलर बराबरको बैङ्‌ङ्क कार्ड उपलब्ध गराउनेछौँ।’

यस सुविधाले स्टार्टअप उद्यममा जोडिन चाहने युवाहरूलाई एआई, कन्टेन्ट क्रिएसन, डिजिटल मार्केटिङ, एप विकास तथा अन्य आईटी र अनलाइन सेवासम्बन्धी तालिम तथा सेवा उपयोग गर्न सहज बनाउने र १० लाख युवालाई स्वरोजगारतर्फ उन्मुख गराउने अपेक्षा गरेको छ।

विदेशमा नेपाली उद्यमीले कम्पनी स्थापना गर्न तथा विदेशी कम्पनीहरूमा कुनैपनि प्रकृतिको शेयर खरिद गर्नसक्ने व्यवस्थालाई थप सहज र व्यवस्थित बनाउने समेत एमालेको योजना छ।