काठमाडौं – सरकारले विद्यालय तथा उच्च शिक्षाका लागि भर्ना प्रयोजनका सञ्चालन हुँदै आएको प्रवेश परीक्षा तयारी (ब्रिज कोर्स) कक्षा बन्द गर्ने भएको छ । यस्ता कार्यक्रमले विद्यार्थीको मनोविज्ञानमा असर पर्ने भन्दै सरकारले कार्यक्रम बन्द गर्न निर्देशन दिएको छ ।

२०८३ साल वैशाख १ गतेदेखि पूर्ण रूपमा बन्द गर्न यस मन्त्रालयको माननीय मन्त्रीस्तरबाट निर्देशन गरिएको छ, शिक्षा विज्ञान तथा प्रविधि मन्त्रालयको विज्ञप्तिमा भनिएको छ । सरकारको निर्देशन अवज्ञा गर्दै कक्षा सञ्चालन भएमा कानुन अनुसार कारबाही गर्ने बताइएको छ ।