काठमाडौं– नेकपा एमालेका वरिष्ठ नेता माधवकुमार नेपालले एकता वा विभाजनबारे अन्तिम छिनोफानो गर्ने तयारी गर्नुभएको छ ।

नेता नेपालले आज बुद्धनगरस्थित क्वालिटी पार्टी प्यालेसमा आफूनिकट केन्द्रीय सदस्यहरूको भेला बोलाउनुभएको छ ।

स्थायी कमिटीका अधिकांश नेताहरुले पार्टी एकताको पक्षमा दबाब दिएपछि नेता नेपालले केन्द्रीय सदस्यहको भेला बोलाउनुभएको हो । केन्द्रीय समितिका कतिपय नेताहरु भने विभाजनको पक्षमा हुनुहुन्छ ।

माओवादी अध्यक्ष प्रचण्डसँग लामो छलफल भएलगत्तै नेपालले केन्द्रीय कमिटी बैठक बोलाउनुलाई अर्थपूर्णरूपमा लिइएको छ ।