काठमाडौं- प्रधानमन्त्री केपी शर्मा ओलीले अस्पतालमा बेड हुँदाहुँदै छैन भनेर लुकाउने अस्पताललाई कारबाही गर्ने चेतावनी दिनुभएको छ ।
आज देशवासीका नाममा सम्बोधन गर्दै उहाँले हरेक अस्पतालले आफूसँग मौज्दात भएको बेडको अवस्था दैनिक अद्यावधिक गर्नुपर्ने उल्लेख गर्नुपर्ने बताउनुभयो ।
साथै, प्रधानमन्त्री ओलीले नागरिकको जीवन रक्षा नै सरकारको प्रमुख दायित्व रहेको बताउनुभयो । उहाँले चीन, रुसलगायत खोप उत्पादक राष्ट्रबाट आयात गरिएको खोप लगाउन सरकार प्रयत्नशिल रहेको समेत बताउनुभयो ।
कोरोना नियन्त्रणका लागि सरकारका सबै सयन्त्र परिचालन गरिएको उहाँले बताउनुभयो ।
प्रतिक्रिया