एमाले नेता योगेश भट्टराईले बुधबार बिहान सामाजिक सञ्जालमा प्रस्तुत गर्नुभएको विचार जस्ताको तस्तै–

….

कमरेड केपी ओली आफ्नै पार्टीका वरिष्ठ नेता कमरेड जे एन खनाल र कमरेड माधव नेपालसँग सहकार्य गर्न तयार नहुने तर महन्थ ठाकुर र राजेन्द्र महतोसँग सत्ता साझेदारी र अन्य विषयमा गठबन्धन गर्न तयार हुने ।

कमरेड जे एन खनाल र माधव नेपाल आफ्नै पार्टीका अध्यक्ष कमरेड केपी ओलीसँग मिल्न तयार नहुने तर शेरबहादुर देउवा, प्रचण्ड र उपेन्द्रसँग सत्ता साझेदारी र अन्य विषयमा गठबन्धन गर्न तयार हुने ।

कसले, किन र के का लागि गर्दैछ यो सब ?

एमाले एकताको समस्याको मूल जड यहिँ छ ।

यस विषयमा कमरेडहरु बीचमा गम्भीर छलफल हुनु र साझा निश्कर्षका साथ साझा अभियान मार्फत एमालेको एकता बचाउन जरुरी छ ।