काठमाडौं– पुष्प व्यवसायी मीनबहादुर तामाङको अध्यक्षतामा फ्लोरिकल्चर एशोसिएसन नेपाल (फ्यान) को नयाँ कार्यसमिति चयन गरिएको छ ।

बुधबार सम्पन्न २९ औँ साधारणसभा तथा अधिवेशले आगामी ३ वर्षका लागि नयाँ नेतृत्व चयन गरेको हो ।

अध्यक्ष, वरिष्ठ उपाध्यक्ष, उपाध्यक्ष र कोषाध्यक्ष पदका लागि एक भन्दा बढी उम्मेदवारी परेपछि निर्वाचन भएको हो भने बाँकी पदमा निर्विरोध निर्वाचित गरिएको छ ।

महासचिवमा विश्वमणी पोखरेल र सचिवमा हिरामणी शर्मालगायत निर्विरोध हुनु भएको छ । तामाङले कुल १३१ मत प्राप्त गरी अध्यक्ष निर्वाचित हुनुभएको हो । अध्यक्षका अर्का प्रतिस्पर्धी रामजीप्रसाद तिमिल्सिनाले ५२ मत प्राप्त गर्नुभएको छ ।

वरिष्ठ उपाध्यक्ष पदमा १३२ मतसहित शिवबहादुर खड्का विजयी हुनुभएको छ । उहाँका प्रतिस्पर्धी प्रदिप खड्काले ४४ मत प्राप्त गर्नुभएको छ ।

त्यसैगरी, उपाध्यक्षमा सिताराम पन्तले ९६ मतसहित विजय हासिल गर्नुभएको छ भने प्रतिस्पर्धी महेन्द्रबहादुर सुवेदीले ७७ मत प्राप्त गर्नुभएको छ ।

कोषाध्यक्षमा प्रतिस्पर्धी सुशिल खड्कालाई एक पतले पछि पार्दै ८९ मत प्राप्त गर्दै रामबहादुर तामाङविजयी हुनु भएको छ ।

निर्वतमान कार्यसमितिका अध्यक्ष तथा सल्लाहकार कुमार कसजु श्रेष्ठले नयाँ कार्यसमितिले फ्यानको विधान अनुरूप पुष्प क्षेत्रको विकास र प्रवद्र्धनमा महत्वपूर्ण भूमिका खेल्ने विश्वस्त रहेको बताउनुभयो ।