काठमाडौ वरिष्ठ अधिवक्ताहरुले सर्वोच्च अदालत बार एशोसिएसनको चियापान कार्यक्रम बहिस्कार गरेका छन् ।

दशैंको अवसरमा सर्वोच्च बारले बुधबार चियापान कार्यक्रम राखेको थियो । सोही कार्यक्रम प्रधानन्यायाधीश चोलेन्द्रशम्शेर जबरालाई प्रमुख अतिथिको रुपमा बोलाइएको थियो ।

मन्त्रिपरिषदमा भागवण्डा खोजेको लगायतका विवादमा परेका प्रधानन्यायाधीशको काम कारबाहीमाथि प्रश्न उठाउनुपर्ने समयमा प्रमुख अतिथि बोलाएको भन्दै वरिष्ठ कानून व्यवसायीहरुले सर्वोच्च बारको चियापान बहिस्कार गरेका छन् ।

वरिष्ठ अधिवक्ताहरुले बहिस्कार गर्ने पूर्व सूचना पाएपछि प्रधानन्यायाधीश जबरा पनि चियापान कार्यक्रममा उपस्थित हुनुभएन । चियापन कार्यक्रमा सर्वोच्चका न्यायाधीशहरु सपना मल्ल प्रधान, हरि फुयाल, मनोज शर्मा र नहकुल सुवेदी उपस्थित हुनुहुन्थ्यो ।