काठमाडौं– पूर्व अर्थ सचिव रामेश्वर खनालले माओवादी पार्टी सखाप नभएसम्म नेपालीले दुःख पाइरहने बताउनुभएको छ ।

सामाजिक सञ्जाल ट्विटरमा लेख्दै खनालले माओवादीको नाटक लामो भएको उल्लेख गर्नुभएको छ । माओवादी पार्टी सखाप नभएसम्म नेपालीले सुख नपाउने खनालको दाबी छ । ‘प्रतिव्यक्ति एक वित्ता मात्र आम्दानी बढे पनि माओवादी सखाप हुन्थे । माओवादी सखाप नपारे नेपालीको जीवन सुखी हुने देख्दिन म त । डर के हो भने आफू सकिने अनुमानले विकासका सारा काम रोक्ने माओवादी षडयन्त्र हुनसक्छ,’ खनालको प्रतिट्विट छ ।

पूर्व माओवादी नेता बाबुराम भट्टराई प्रधानमन्त्री हुँदाका आर्थिक सल्लाहकार खनालले बहस सुरु गर्दै ट्विट गर्नुभएको छ, ‘यो माओवादी पार्टी कति वर्षमा सकिएला ? कसैको अनुमान ? नाटक अलि लामै भयो त ।’