काठमाडौं– नेपाली कांग्रेसका वरिष्ठ नेता रामचन्द्र पौडेलले माधवकुमार नेपाल समूह चोइटिए पनि एमाले कमजोर नभएको बताउनुभएको छ ।

धादिङमा भएको कार्यक्रममा पौडेलले एमाले पार्टी नफुटेको समेत जिकिर गर्नुभएको छैन । ‘एमालेसितको लडाइँ सामान्य छैन, एमाले अझै कमजोर छैन, एमाले सिंगै छ, फुटेको छैन । सशक्त प्रतिस्पर्धा छ,’ शेरबहादुर देउवा नेतृत्वको कांग्रेसले एमालेसँग लड्न नसक्ने दाबी गर्दै पौडेलले भन्नुभएको छ, ‘त्यसका लागि कांग्रेस कस्तो हुनुपर्ने हो ? कति सक्षम हुनुपर्ने हो ? यस्तै खिचिमिचीले एमालेसँग लड्न सकिँदैन ।’

कांग्रेसका सिनियर नेता पौडेललाई पराजित गर्ने किसान श्रेष्ठलाई नै देउवाले श्रम मन्त्री बनाएपछि आन्तरिक रडाको झन् चुलिएको छ ।