लुम्बिनी – लुम्बिनी प्रदेशमा एकैदिन आज तीन जनाको शव फेला परेको छ ।

कपिलवस्तु जिल्लाको मायादेवी गाउँपालिका–५ बलुहवास्थित मन्दिर अगाडिको पोखरीमा सोही वडाको महादेवटोल  बस्ने ५५ वर्षीय छोटेलाल कुर्मीको आज शव फेला परेको हो । गत सोमबारदेखि घरबाट बेपत्ता भएका उनको पोखरीमा शव फेला परेको प्रहरीले जनाएको छ ।

त्यस्तै बर्दियामा पनि एक महिला र एक पुरुषको शव फेला परको छ । जिल्लाको  ठाकुरबाबा नगरपालिका–५ साईपुर बस्ने ४० वर्षीया फुलरानी थारु आफ्नै घर नजिकैको नालीमा मृत फेला परेकी हुन् । 

त्यसैगरी बर्दियाकै ठाकुरबाबा नगरपालिका–२ पूर्व पश्चिम राजमार्गको बलातिस्थित प्रतिक्षालयमा हाल नाम, थर,  ठेगना नखुलेका एक पुरुष आजै मृत परेको छ । घटना बारेमा अनुसन्धान भईरहेको प्रहरीले जनाएको छ ।