झापा – मगमग चाउचाउ उद्योगमा भइरहेको आगलागी निभाउन नेपाली सेना सहित मेचीनगर नगरपालिकाको लगायत १२ वटा दमकल पनि प्रयोग भइरहेको छ ।

आज विहान ४ बजेदेखि मेचीनगर वडा नं। १४ स्थित मनषा थाइफुड्स उद्योगमा भीषण आगलागी भइरहेको छ ।

आगो निभाउन मेचीनगर नगरपालिकासहित झापा, इलाम, मोरङ र सुनसरीका १२ वटा दमकल प्रयोग भइरहेको हो ।

साढे आठ बजेको समयसम्ममा करीव ५० प्रतिशत आगो नियन्त्रणमा आएको जिल्ला प्रहरी कार्यालय झापाका प्रवक्ता बसन्त पाठकले जानकारी दिनुभयो ।

नेपाली सेना, सशस्त्र प्रहरी, नेपाल प्रहरी, दमकल कर्मचारी, सर्वसाधारण लगायतले आगो निभाउन सहयोग पुर्याइरहेका छन् ।

आगलागीबाट मानवीय क्षति भएको छैन । चार वर्ष अघि एक अर्बको लगानीमा झापाली उद्यमीहरुले स्थापना गरेको सो उद्योग आगलागीबाट पुरै खरानी भएको छ ।