नवलपरासी – नवलपरासी (पश्चिम) मा मोटरसाइकल दुर्घटना हुँदा दुईजना गम्भीर घाइते भएका छन् ।

जिल्लाको  प्रतापपुर गाउँपालिका–७ स्र्यपुराको भित्रि सडकखण्डमा दुई मोटरसाइकल एकआपसमा ठोक्किँदा सोही पालिका–६ डिवानीका अन्दाजी ३५ वर्षका राजेश केवट र सोही उमेर समूहका नाम ठेगाना खुल्न नसकेका पुरुष गम्भीर घाइते भएका हुन् ।

उक्त सडक खण्डमा युपी ५६ एएल १५१४ नम्वरको मोटरसाईकल र बिपरित दिशाबाट आउँदै गरेको लु २ प २०५४ नम्वरको मोटरसाईकल एक आपसमा ठोक्किँदा जिल्ला प्रहरी प्रवक्ता डिएसपी प्रेमबहादुर शाहीले जानकारी दिनु भयो ।

नेपाली नम्बर प्लेट भएका मोटरसाइकल चालक केवट  र भारतीय नम्वर प्लेट भएका मोटरसाइकल चालक गम्भीर घाइते भएका हुन् । घाइते दुबैलाई शहीद स्मृति सामुदायिक अस्पताल चौपत्तामा पुर्याएको थियो। अवस्था दुबैको गम्भीर भए पनि हुलिया खुल्न नसकेका एक जनाको सोही अस्पतालमा उपचार भइरहेको छ।

दुबै मोटरसाइकल  प्रहरीले नियन्त्रणमा लिएको छ ।  दुवै जनाको अनुहार र हात खुट्टामा चोट लागेको छ ।