बुटवल – बुटवल उपमहानगरपालिका वडा नम्बर ३ ज्योतिनगरमा बस दुर्घटना हुँदा १० जना विद्यार्थी घाइते भएका छन्। बुटवलको एभरेस्ट बोर्डिङ स्कुलको बस दुर्घटना भएको हो ।

एभेरेष्ट बोर्डिङ स्कुलको लु १ क ५४४ नम्बरको बस ज्योतिनगरको ओरालोमा ब्रेक फेल भएर दुर्घटनामा परेको प्रहरीले जनाएको छ। बसको ब्रेक भएपछि बसका चालक कृष्ण पुनले रूखमा लगेर अडाएर ठूलो दुर्घटना हुनबाट जोगाएको प्रत्यक्षदर्शीले बताए ।

घाइते विद्यार्थीहरूको लुम्बिनी प्रादेशिक अस्पताल बुटवलमा उपचार भइरहेको प्रहरी कार्यालयले जनाएको छ।