मोरङ – मोरङमा घरायसी विवाद हुँदा चिर्पट प्रहार गरी आफ्नै आमाको हत्याको आरोपमा एकजना पक्राउ परेका छन्।

मोरङ उर्लाबारी नगरपालिका-४ आइतबारे बस्ने ३५ वर्षीय गंगाप्रसाद भण्डारीले आफ्नै आमालाई चिर्पट प्रहार गरी हत्या गरेको इलाका प्रहरी कार्यालय उर्लाबारीले जनाएको हो ।

घरायसी विवाद हुँदा ७० वर्षीया चन्द्रमाया भण्डारीलाई दाउराको चिर्पट प्रहार गरी हत्या गरेको प्रहरीले जनाएको छ । चिर्पट प्रहारबाट गम्भीर घाइते भएकी चन्द्रमायाको मदन भण्डारी अस्पताल तथा ट्रमा सेन्टर मंगलबारेमा उपचारको क्रममा मृत्यु भएको हो।

हत्या गर्ने गंगा प्रासादलाई प्रहरीले नियन्त्रणमा लिई कानुनी प्रकृया अगाडि बढाएको छ ।