काठमाडौं – जबरजस्ती करणीको अभियोग लागेका अभिनेता पल शाहका म्यानेजर  कृष्णप्रसाद जोशी पक्राउ परेका छन् ।  

शाहका म्‍यानेजर जोशीलाई तनुहँबाट प्रहरीले पक्राउ गरेको हो । शाह जोडिएको घटनामा मतियारको भूमिका खेलेको बताउँदै प्रहरीले जोशीलाई पक्राउ गरेको हो ।

एक नाबालिग गायिकाले शाहविरुद्ध तनहुँ प्रहरी र नवल परासी प्रहरीमा उजुरी दिएका छन् ।

जिल्ला प्रहरी कार्यालय, तनहुँमा ११ फागुनमा एक गायिकाले शाहविरुद्ध किटानी जाहेरी दिएका थिए । त्यस लगत्तै जिल्ला अदालत, तनहुँबाट पक्राउ पूर्जी लिएर प्रहरीले शाहको खोजी थालेको थियो । तर उनी फरार भएका थिए ।

पछि २७ फागुनमा उनले प्रहरीकहाँ आत्मसमर्पण गरेका थिए ।