काठमाडौं – कास्कीका विभिन्न ठाउँमा अविरल वर्षासँगै आएको बाढी र पहिरोले डेढ सय घर जोखिममा परेका छन् ।

पोखरा २५ सुईखेतमा आज बिहानै डेढ सय घर डुवेका हुन् । पहिरो खसेर खोला थुनिएपछि निकास रोकिएको छ । त्यहाँका डेढ सय घरका प्रभावितलाई सुरक्षित ठाउँमा सारिएको जिल्ला प्रहरी कार्यालय कास्कीले जनाएको छ । बस्तीसँगै ब्यावसायिक फार्महरुमा पूर्ण रुपमा क्षति भएको छ ।

त्यस्तै, पोखरा महानगरपालिका १६ अर्मलास्थित खोलाखेतमा रहेको एक घर पहिरोले बगाएको छ। मानवीय क्षति भने भएको छैन् । अन्य क्षेत्रमा पनि सडक बगाएको छ। यातायात अबरुद्ध भएको जिल्ला प्रहरी कार्यालय कास्कीले जनाएको छ ।