ओखलढुंगा-ओखलढुंगामा जिप दुर्घटना भएको छ । आज बिहान जिल्लाको चिसंखुगढी नगरपालिका-३ दियालेमा  यात्रुबहाक बोलेरो जिप दुर्घटना भएको हो । 

जिप दुर्घटनामा २ जनाको मृत्यु भएको छ भने ११ घाइते भएका प्रहरीले जनाएको छ । 

प्रहरीका अनुसार सदरमुकाम ओखलढुंगातर्फ गइरहेको ना १ ज ८४७३ नम्बरको जिप दुर्घटना भएको हो । सो जिपमा १३ जना सवार रहेका प्रहरीले जनाएको छ । 

घटनामा परी ओखलढुंगाको चिसंखुगढी नगरपालिका-३ का स्थानीय भक्तबहादुर थापा र मिन बहादुर श्रेष्ठको मृत्यु भएको छ ।

घाइतेहरूको थप उपचारका लागि हेलिकप्टरबाट काठमाडौँ पठाइएको छ।