काठमाडौँ–नेकपा एमालेका नेता विष्णु रिजालले स्थापनाकालदेखि नै कर्णाली प्रदेशको नेतृत्व सही दल तथा सही पात्रको हातमा नपरेको बताउनुभएको छ । कर्णाली प्रदेश स्थापना दिवसको अवसरमा शुभकामना दिनुहुँदै नेता रिजालले कर्णाली प्रदेश बाँदरको हातमा नरिवल बनेको बताउनुभएको हो ।
उहाँले भन्नुभएको छ,’कर्णालीको दुर्भाग्य– स्थापनाकालदेखि नै कर्णाली प्रदेशको नेतृत्व सही दल तथा सही पात्रको हातमा पर्न पाएन र बाँदरको हातमा नरिवल बनेको छ । बजेटको दुरुपयोगमा प्रतिस्पर्धा छ, प्रदेश जस्ताको त्यस्तै रहने तर पात्रहरु मोटाउने क्रम तीव्र छ । यसलाई बदल्न नसक्दासम्म कर्णाली बदलिँदैन । आउनुहोस्, आजको दिनमा कर्णाली बदल्ने संकल्प गरौँ !’
नेता रिजालले कर्णाली प्रदेश स्थापनाका लागि आहुति दिनुहुने यामबहादुर बीसी, गोपालसिंह रजवार र टीकाराम गौतम तथा जुम्लाका हरिबहादुर कुँवरलाई सम्झनु भएको छ ।
प्रतिक्रिया