काठमाडौँ–नेकपा एमालेको केन्द्रीय सचिवालयले जनप्रतिनिधीहरुलाई प्रदेशको कार्यकारी भूमिकाबाट ‘आउट’ गर्ने निर्णय भएपछि हाल प्रदेश कमिटीको अध्यक्ष र सचिवको रुपमा धेरै जना नेताहरु ‘आउट’ हुने भएका छन् ।
पार्टी अध्यक्ष केपी शर्मा ओलीले अपानि ८ जारी गर्दै प्रदेश कमिटीको अध्यक्ष र सचिवमा स्थानीय तहका जनप्रतिनिधि र प्रदेश तथा संघीय सांसदलाई उम्मेदवार बन्न बन्देज गर्नुभएको हो ।
अपानि अनुसार वडाअध्यक्ष, पालिकाका प्रमुख तथा उपप्रमुख र प्रदेशसभा सदस्य तथा संघीय संसदका सांसदले यी दुई पदमा उम्मेदवार हुन पाउने छैनन् ।
एमालेले सांसद वा स्थानीय तहका जनप्रतिनिधिलाई पार्टीको प्रदेश, जिल्ला र गाउँ तहको अध्यक्ष र सचिव नबनाउने निर्णय गरेको हो । यो सँगै अहिले प्रदेश अध्यक्ष र सचिव रहेको जनप्रतिनिधि र सांसदहरुले प्रदेश अधिवेशनबाट कार्यकारणी भूमिकाबाट बिदा हुनुपर्नेछ ।
एमालेको प्रदेश अधिवेशन मध्ये भदौदेखि असोज भित्र हुँदेछ । एमालेले भदौ १६–१७ मा लुम्बिनी, असोज ५–६ मा मधेस, असोज ८–९ मा बागमती, असोज १०–११ मा कर्णाली, असोज १२–१३ मा कोशी, असोज १५–१६ मा गण्डकी, असोज १९–२० मा उपत्यका विशेष र असोज २१–२२ मा सुदूरपश्चिम प्रदेशको अधिवेशन गर्ने निर्णय गरेको छ ।
यी हुन् प्रदेशका अध्यक्ष-सचिवबाट आउट हुने नेताहरु
एमालेको अपानि अनुसार अधिकांश स्थानीय तहका जनप्रतिनिधि र प्रदेश संघीय सांसद प्रदेश कमिटीको कार्यकारणी भूमिकाबाट बाहिरिने छन् । अधिकांश नेताहरु दोहोरो भूमिकाबाट बाहिरिने भएका छन् ।
जस अन्तरगत सुदूरपश्चिम प्रदेश कमिटीका अध्यक्ष दामोदर भण्डारी र सचिव धर्मराज पाठक प्रदेश कमिटीको अध्यक्षबाट आउट हुनेमा पर्दछन् । भण्डारी एमाले प्रतिनिधिसभा सदस्य र पाठक प्रदेशसभा सदस्य हुनुहुन्छ ।
यस्तै कर्णाली प्रदेश कमिटी अध्यक्ष र सचिव दुवै जना सांसद भएकोले पार्टीको कार्यकारणाी पदबाट बाहिरिनुपर्ने छ । उहाँहरु दुवै जना प्रदेश सांसद रहेकाले पार्टीको कार्यकारणी भूमिकाबाट बाहिरिनु पर्नेछ । एमाले कर्णाली प्रदेश कमिटी अध्यक्ष बिनोद कुमार शाह र सचिव टेकराज पछाईँ कर्णाली प्रदेशका सांसद हुनुहुन्छ ।
यस्तै एमाले मधेस प्रदेश अध्यक्ष राम औतार यादव भने पुनः अध्यक्षमा उम्मेदवारी दिन नपाउनु हुनुभएको छ । उहाँ सिरहाको सुखीपुर नगरपालिकाको प्रमुख हुनुहुन्छ ।
यस्तै कोशी प्रदेश सचिव चिन्त्तन पाठक भने प्रदेश सांसद भएकाले पुनः उम्मेदवार भन्न पाउनुहुने छैन ।
प्रतिक्रिया