काठमाडौँ–नेकपा एमाले सुदूरपश्चिम अधिवेशनमा सर्वसहमतिमा नेतृत्व चयनका लागि सहमति जुट्न नसकेपछि निर्वाचन गर्ने तयारी थालिएको छ । जारी अधिवेशनमा उपसचिवमा सहमति जुट्न नसक्दा निर्वाचनको तयारी थालिएको हो । 

एमाले सुदूरपश्चिमको अध्यक्षका लागि कृष्ण प्रसाद जैसी र भरत साउदको उम्मेदवारी कायमै रहेको प्रमुख निर्वाचन अधिकृत पदम पालले जानकारी दिनुभयो । दुई जनाको उम्मेदवारी कायम रहेपछि मतदान हुने उहाँले जानकारी दिनुभयो ।  

निर्वाचन अधिकृत पालले मतदानको लागि मतपत्र छपाएको काम भइरहेको बताउनुभयो ।अध्यक्षमा उम्मेदवारी दिनुभएका कमल तिमिल्सेना र  बच्चन सिंहले उम्मेदवारी फिर्ता लिनुभएको छ । 

यसैबीच सहमतिको प्रयासमा पाँच दिन बितेपछि सुदूरपश्चिमका विभिन्न जिल्लाबाट धनगढी आएका प्रतिनिधिहरू घर फर्किन लाग्नुभएको छ ।