काठमाडौँ–नेकपा एमाले रौतहटको जिल्ला अधिवेशन आगामी माघ १२ र १३ गते हुने भएको छ । 

एमाले जिल्ला कमिटी रौतहटको हिजो पार्टी कार्यालय गरुडामा बसेको सचिवालय बैठकले दशौँ जिल्ला अधिवेशन माघ १२ र १३ गते गर्ने निर्णय गरेको हो । 

यस्तै पुस छ गते जिल्ला कमिटीको पूर्ण बैठक आयोजना गर्ने निर्णय भएको जनाइएको छ ।  

यस्तै एमालेको झुलाघाट–चिवाभन्ज्यांग यात्रा सफल पार्न क्रियाशील हुने बैठकले  निर्णय गरेको छ।