लम्जुङ-नेकपा एमालेका अध्यक्ष केपी शर्मा ओली लमजुङमा पुग्दा विशाल जनसागर उर्लिएकाे छ।
मध्यपहाडी लाेकमार्ग विशेष अभियान (झुलाघाट-चिवाभञ्ज्याङ समृद्धिका लागि संकल्प यात्रा)मा रहेकाे नेकपा एमालेकाे टाेली लमजुङ पुगेकाे हाे।
अभियानकाे नवाैं दिन शुक्रबार बिहान पाेखराबाट हिँडेकाे अध्यक्ष केपी शर्मा ओली नेतृत्वकाे टाेली केहीबेरअघि लमजुङ पुगेकाे हाे।
पोखरा-७ नुवार्थोकस्थित पुष्पलालको प्रतिमामा माल्यार्पण गरी नवाैं दिनकाे यात्रा थालेकाे टाेली तालचोकमा भेटघाट तथा संवाद् कार्यक्रम गरेर तालबेंसी र पिप्ले बजार हुँदै लमजुङ जिल्ला प्रवेश गरेकाे हाे।
लमजुङकाे करापुटारमा टाेलीलाई भव्य स्वागत गरिएकाे छ। टाेलीलाई नेकपा एमालेका नेता-कार्यकर्ता, भ्रातृ संगठन, स्थानीय तथा शुभचिन्तकले भव्य स्वागत गरेका हुन्।
अध्यक्ष ओलीलाई हेर्न लमजुङका गाउँगाउँबाट बालबालिका देखि वृद्धवृद्धासम्म भिड लागेका छन्।
टाेली केहीबेरमा सुन्दर बजार पुगेर जनसभामा सहभागी हुँदैछ । सभालाई अध्यक्ष ओली लगायतले सम्बाेधन गर्नुहुने कार्यक्रम छ।
प्रतिक्रिया